شــــــــــــــــــــاهـــين ســـــــــــــوفــت


أهلا وسهلا بك زائرنا الكريم
انت لم تقوم بتسجيل الدخول بعد
يشرفنا ان تقوم بالدخول او التسجيل

ادارة مـنتدى
شــــــــــاهين ســـوفـت
شــــــــــــــــــــاهـــين ســـــــــــــوفــت

TvQuran

It Is Time to know Muhammad The Prophet Muhammad


أهلا وسهلا بك زائرنا الكريم, أنت لم تقم بتسجيل الدخول بعد! يشرفنا أن تقوم بالدخول أو التسجيل إذا رغبت بالمشاركة في المنتدى

السمنة اسبابها وعلاجها

اذهب الى الأسفل  رسالة [صفحة 1 من اصل 1]

1 السمنة اسبابها وعلاجها في الخميس 30 يوليو 2009, 12:20 am

mostafa

avatar
مشرف
مشرف
السلام عليكم ورحمة الله وبركاته

جبتلكم النهارده موضوع يهم كتير من الناس وهو السمنة ومشاكلها

طبعا كل واحد نفسه يظبط جسمه ويبقى رشيق ومنظره مقبول

والسمنة بتكون عائق دايما فى الموضوع ده

طيب يعنى ايه سمنة اصلا وايه اسبابها ؟

الاول السمنة هى اختزان الدهون تحت الجلد نتيجة لقلة المجهود أو زيادة الاكلأو الاتنين مع بعض

يعنى انت تفضل تجرى وتتمرن علشان تخس وتيجي تديها اكلة تضيع كل المجهود اللى انت عملته ده

يبقى لازم نفهم ان التنظيم الغذائي هو بداية الحل

بس قبل ما اقول الحل فيه نقطة مهمة لازم نعرفها هى ( الاطعمة المحفوظة) أو الجاهزة

ودي بتكون السبب فى السمنة بنسبة كبيرة جدا لأنها سريعة الامتصاص ومعدومة الفايدة تقريبا وصعبة الحرق ايضا

الاول قبل مانتكلم عن الاغذية لازم نعرف ان فيه دهون اولية ودهون ثلاثية أو معقدة

الدهون الاولية بتكون سهلة الذوبان ممكن بنظام غذائي بسيط بتنزل اما الدهون الثلاثية او المعقدة فلازم نستعين ببعض التمرينات لحرقها

واحب اعرفكم معلومة صغيرة ان المعدة بتحتاج لـ3 لتر دم عند عماية الهضم

والعضلة بتحتاج لنفس الكمية تقريبا فى التمرين

يعنى لما المعدة بتهضم الاكل كأنك بتتمرن

وطوال ما المعدة بتهضم فيه سعرات حرارية بتفقد

يبقى الحل ان احنا نحاول نخلى المعدة تشتغل اكتر وقت ممكن طب ازاى ؟

دى سهلة جدا

هانقسم الوجبات على مدار اليوم بحيث ان المعدة تكون شغالة فى اغلب الاوقات

ولو حسيت ان بطنك فاضية ممكن تاكلك حاجة خفيفة زى ثمرة فاكهة أو طماطمة او خيارة او اى حاجة من دى

وياريت تشرب مية كتير فى اى وقت وبأى كمية , وسيبك من اللى بيقول ان المية بعد الاكل بتعمل كرش

كده عرفنا ايه الصح وايه الغلط فاضل بقى نعرف ايه الممنوع وايه المتاح

طيب نبدأ بقى نحط برنامج علشان نمشي عليه

الاول هانبدأ بالممنوع ومحدش يفهمنى غلط

الموز , والمانجو ؟ والعنب , والبلح , والتين

والنشويات والسكريات والمعجنات

يعني من الاخر هانركز على

الفواكه غير المذكورة والخضروات والبروتين الطبيعي سواء كان نباتى أو حيوانى

زى اللحوم والبيض والاسماك والنباتى زى الفول وغيره

ودى بتكون وجبة الغداء فقط

اما وجبتى الفطار والعشاء فبتكون خفيفة الى حد ما

يعني شوية فاكهة مع نصف رغيف وقطعة جبن وكوب لبن سكر خفيف او محلى بعسل النحل

وفيه نظام اوربي بيستعملوه حاليا

بتبدأ بالشوربة ان وجدت ثم طبق السلاطة الكبير ثم اللحوم ثم الارز وطبعا لما توصل للرز تكون شبعت

بس دى طبعا فى وجبة الغدا بس

وبكده نكون وصلنا لنهاية حلقتنا قصدى موضوعنا

بس ماتنسوش اهم شيء الانتظام والعزيمة والنتيجة هاتظهر بالكتير بعد اسبوع ان شاء الله

ولو فيه اى استفسار عن أى شيء انا تحت امركم

**

**

مصطفى كامل



عدل سابقا من قبل mostafa في الخميس 30 يوليو 2009, 12:22 am عدل 1 مرات (السبب : تنسيق)

2 رد: السمنة اسبابها وعلاجها في الخميس 30 يوليو 2009, 12:31 am

shaheen

avatar
المدير العام
المدير العام
موضوع جامد جدا وكنا محتاجينه على المنتدى.........تسلم ايديك يادرش......ومستنين المزيد lol!

http://shaheen-soft.topgoo.net

3 رد: السمنة اسبابها وعلاجها في الخميس 30 يوليو 2009, 4:47 pm

mostafa

avatar
مشرف
مشرف
تسلم يا شاهين وربنا يسهل ويكون فيه مزيد بس انت عارف الشغل بقا

4 رد: السمنة اسبابها وعلاجها في الخميس 30 يوليو 2009, 4:52 pm

shaheen

avatar
المدير العام
المدير العام
ربنا معاك يارب ويصلح حالك يادرش... lol!

http://shaheen-soft.topgoo.net

الرجوع الى أعلى الصفحة  رسالة [صفحة 1 من اصل 1]

صلاحيات هذا المنتدى:
لاتستطيع الرد على المواضيع في هذا المنتدى