شــــــــــــــــــــاهـــين ســـــــــــــوفــت


أهلا وسهلا بك زائرنا الكريم
انت لم تقوم بتسجيل الدخول بعد
يشرفنا ان تقوم بالدخول او التسجيل

ادارة مـنتدى
شــــــــــاهين ســـوفـت
شــــــــــــــــــــاهـــين ســـــــــــــوفــت

TvQuran

It Is Time to know Muhammad The Prophet Muhammad


أهلا وسهلا بك زائرنا الكريم, أنت لم تقم بتسجيل الدخول بعد! يشرفنا أن تقوم بالدخول أو التسجيل إذا رغبت بالمشاركة في المنتدى

شاب بيطلب من جدته تشحنله

استعرض الموضوع السابق استعرض الموضوع التالي اذهب الى الأسفل  رسالة [صفحة 1 من اصل 1]

1 شاب بيطلب من جدته تشحنله في الجمعة 18 ديسمبر 2009, 10:50 am

shaheen


المدير العام
المدير العام
طبعا كلنا عارفين الشباب اليومين دول زي مهو مش بيفضل

في جيبهم مليم احمر اخر اليوم

كمان مش بيفضل في رصيدهم قرش واحد حتي يدي بيه ميسد كول

فزميلنا ده قرر انه يطلب من مامته فلوس علشان يشحن ولكن

للاسف باباه حالف علي مامته بالطلاق لو ادتله فلوس او حتي حولتله رصيد

فقرر انه يتصل بتيته علشان يطلب منها فلوس وكان الحوار كالتالي

هو : إزيك يا ستى .

هى : بنتى .. إيه بنتى دى يا قليل الأدب .

هو : يا ستى بقولك إززززززززززيك يا ستتتتتتتتتتتتى .

هى : أنت بتزعق ليه يا واد أنت أنا بافتكر بتقول بنتى .

هو : بتفتكرى إيه !! هو أنتى يا ستي حتى بتفتكرى إسمك .

هى : جسمك .. ماله جسمى يا قليل الأدب .

هو : يا ستى إرحمينا شويه بقي وشيلى الزلط اللى فى ودانك .

هى : قدامك !؟ هو إيه اللى قدامى يا واد أنت .

هو : يووووووووووووه يادى النيله .

هى : البليله .. أه البليله حلوه والله.. دا حتى أنا نفسي في طبق بليله باللبن كده يا واد وعليها شوية مكسرات وكده يعنى .

هو : يا حول الله يا رب هو حد جاب سيرة البليله يا ناس .

هى : القلقاس !؟ أه بأحب القلقاس أهو كله نعمة ربنا .

هو : يا ستى ابوس ايديكي أرحميني أنا لا جيبت سيرة قلقاس ولا أناناس .

هى : لأ لأ لأ عيب يا بنى ..عيب لما تجيب فى سيرة الناس .

هو : يا ستى هو أنا جيبت في سيرة حد .

هى : أه يوم الحد كان إمبارح بس والنبى يا بنى ما أنا فاكره النهارده إيه!!؟ يكونش النهاردة الجمعه يا واد .

هو : لا يا ستى النهارده الخميس .

هى : البوليس!! وعايز منك أيه البوليس إنت عملت إيه يا منيل على عينك؟

هو : يييييه بقولك إيه يا ستى نفضى ودانك وطرطقيهم كده وإسمعينى .

هى : رضعينى !! أرضعك إيه ياواد أما إنك قليل الأدب صحيح .

هو : يا ستى أنا إتفطمت من زمان الحمد لله بس عايز منك قرشين كده سلف .

هى : علف !! إنت بتربى بهايم يا واد ؟؟

هو : يا ستى بقولك سلف !! سلفينى خمسين جنيه عايز أشحن التليفون .

هو : يا ستى حرام عليكى الرحمة حلوة برضه أبوس ايد اللى خلفوكى عايز خمسين جنيه سلف علشان أشحن .

هى : أشتم !! وكمان عايز تشتم يا قليل الأدب .

هو : بقى كده يا ستى طب ماشى خدي عندك بقا !! بقولك إيه يا ستى .

هى : وظيفتى .. وظيفة إيه يا بنى أنا طالعه علي المعاش من زمان .

هو : رمان إنتى عايزه يا ستى تاكلى رمان .

هى : أه نفسي في السمان .. هو فيه سمان دلوقتى يا بنى من بعد أنفلونزا الطيور .

هو : أه العبور !! أه ده كان سنة تلاته وسبعين .

هى : سامعين ؟؟ سامعين إيه خير الله إما إجعله خير هو فيه حاجه .

هو : بتقولي ايه يا ستى ..عايزة قهوة سادة .

هى : عياده ..عايز تودينى العيادة ليه يا بنى هو أنا عيانه .

هو : صقعانه .. صقعانه ليه بس يا ستى دا حتى الجو النهاردة حر .

هى : كفالله الشر !! شر إيه يا بنى اللى بتقول عليه ده .

هو : بقولك إحنا على البرررررررر .

هى : أه يابنى منا عارفه الخروف ليه فرو .. وبيبقي كمان تخين .

هو : أه إبنك حسين !!..ماله إبنك حسين .

هى : العجل سمين !! أه هانجيب إن شاء الله في العيد عجل ندبحه ولازم يكون سمين .

هو : إيه يا ستي بتقولي ايه .. أسفين .. طب أسفين ليه !!

هى : عايز خمسين جنيه !! طب مش تقول كده من الأول هو أنت مكسوف منى يا واد ههههههههه .

هو : ياااااااااااااااااااااااه أخيرآ يا ستى الحمد لله .. هاتى بقى .

هى : أجيب إيه ؟

هو : هاتى الخمسين جنيه !!

هى : تحسين بيه .. تحسين بيه مين يا واد .

هو : يالاهووووووووووووووووووووووووى .
اكيد الشاب دة نهايته مستشفى المجانين لو حد اتخنق من الرسالة دى
يبعت يقولى على طووووووووووووووووول عشان انزله اعتذار رسمى


_________________



صـديقى اٍن لم تستـطع ان تحـبنـى فأرجـوك أن لا تكـرهـنى

http://shaheen-soft.topgoo.net

استعرض الموضوع السابق استعرض الموضوع التالي الرجوع الى أعلى الصفحة  رسالة [صفحة 1 من اصل 1]

صلاحيات هذا المنتدى:
لاتستطيع الرد على المواضيع في هذا المنتدى